Türkmenbaşy şäherinde Türkmenistanyň erkin we grek-rim göreşi boýunça milli çempionaty geçirildi.
ORIENT-iň habar bermegine görä, 79 kilograma çenli agram derejesinde erkin göreş boýunça ýaryşda Alp Arslan Begenjow altyn medal gazandy. Kümüş medala Aşyr Kakamyradow mynasyp boldy. Bürünç medaly Abraý Şatlykow aldy.
Belläp geçsek, Alp Arslan Begenjow 2024-nji ýylyň sentýabr aýynda Ispaniýanyň Pontewedra şäherinde ýaşlaryň arasynda geçirilen ýaryşynda 20 ýaşa çenli pälwanlaryň arasynda dünýä çempiony boldy.
