61 döwletiň türgenleri Tokiodaky Olimpiýa oýunlarynyň ýapylyş dabarasyna gatnaşyp bilmezler. Bu barada Olimpiadanyň Guramaçylyk Geňeşi habar berdi.
— Häzirki wagtda 61 döwletiň türgeni Olimpiýa oýunlarynyň ýapylyş dabarasyna gatnaşmaz — diýip, TASS Geňeşiň sözlerini getirýär.
Oýunlaryň ýapylyş dabarasy 8-nji awgustda Tokiodaky Milli stadionda tomaşaçysyz geçiriler. Dabara aşgabat wagty bilen 16:00-da başlanar. Dabarany göni ýaýlymda «Rossiýa 1» teleýaýlymy görkezer.
Belläp geçsek, Tokiodaky oýunlara 205 sany Milli olimpiýa Komitetleri gatnaşdy. Olimpiadanyň maksatnamasyna laýyklykda, sportuň 33 görnüşi boýunça 339 medal toplumy oýnaldy.
