Garyşyk göreşiň türkmen wekili Döwletjan Ýagşymyradow 16-njy aprele geçilýän gije geçirilen Bellator 277 ýaryşynda braziliýaly Rafael Karwalýodan üstün çykdy we Bellatorda ilkinji ýeňşini gazandy. Söweş ABŞ-da San-Hose şäherindäki «SAP Center» arenasynda geçirildi.
Döwletjan Ýagşymyradow professional karýerasynyň dowamynda eýýäm 25 söweş geçirip, 19 ýeňiş (15-si wagtyndan öň) gazandy. Bu söweş Döwletjan üçin Bellator-da üçünji söweş boldy. Ondan öň Döwletjan Bellatorda Kori Anderson we Karl Albrektsson bilen duşuşdy.
Türkmen pälwanynyň garşydaşy Karwalýonyň hasabynda garyşyk söweşlerde 23 sany duşuşyk geçirip, 16 ýeňiş we 7 ýeňliş bar.
TmCars.info-nyň adyndan ildeşimizi gazanan üstünligi bilen gutlaýarys!
