Özbegistan Merkezi Aziýada UFC ýaryşyny kabul etjek ilkinji ýurt bolmaga golaýlaýar.
Daşkentde ýaryşlary guramak mümkinçiligi UFC-niň prezidenti Dana Uaýt bilen Özbegistanyň Milli olimpiýa komitetiniň başlygynyň birinji orunbasary Otabek Umarowyň arasynda ara alnyp maslahatlaşyldy. Duşuşyk dünýäniň öňdebaryjy başa-baş söweş guramasynyň ýaryşyny özbek paýtagtynda geçirmegiň geljegi hakyndaky meselelere bagyşlandy.
Eger bu meýilnamalar durmuşa geçse, özbek tarapy özüniň «öýündäki» ýaryşynda eýýäm UFC-de çykyş edip tejribe toplan Nursulton Ruziboýew, Ramazan Temirow we Bogdan Guskow ýaly özbek türgenlerini hem söweşlere çykarmagy göz öňünde tutýar.
