Absolýut söweş çempionatynyň (UFC) ýeňil agramda öňki çempiony russiýaly Habib Nurmagomedow sosial ulgamlardaky sahypasynda ABŞ-nyň Dopinge garşy agentligi (USADA) tarapyndan arassa doping barlagy üçin berlen baýrak bilen suratyny ýerleşdirdi.
“Meni bäş ýylda doping üçin 49 gezek barladylar. Hemişe arassalygy gowy görerdim” – diýip, Habib belledi.
Nurmagomedow MMA-da 29 gezek söweşip, olaryň her birinde ýeňiş gazandy. Soňky gezek ol 2020-nji ýylyň güýzünde amerikaly Jastin Getjiden üstün çykdy.
Söweşden soň ol professional karýerasyny tamamlaýandygyny mälim etdi. Soňra Nurmagomedow Eagle FC promouşenini esaslandyrdy.
