Marvel kinostudiýasy «X adamlar» baradaky geljekki blokbasteriniň resmi aktýorlar düzümini tanyşdyrdy diýip, Variety habar berýär.
Bu film studiýa üçin mutantlar baradaky franşizanyň çäginde ilkinji debýut bolar. Franşizanyň hukuklaryna 1994-nji ýyldan bäri 20th Century Fox kompaniýasy eýelik edýärdi.
Film 2028-nji ýylyň 5-nji maýynda uly ekranlara çykar.
Täzeçe düşüriljek filmde esasy rollar Holliwudyň belli aktýorlarynyň arasynda paýlandy. Feniksiň (Jin Greý) keşbini «Gaty geň zatlar» serialynyň ýyldyzy Sedi Sink ýerine ýetirer. Siklopyň roly Kit Konnora («Roketmen»), Rougyň roly Inde Nawarrete («Obsessiýa»), Tupanyň roly bolsa Maýýa Boýda berildi.
Professor Çarlz Ksawýeriň keşbini Kristofer Ebbott («Hile-22» / «Catch-22») oýnar, Emma Frostuň roluny ýerine ýetirmek bolsa Samara Wiwinge («Men gözläp başlaýan») ynanyldy.
Filme Adam Draýweriň («Nika hekaýaty», «Paterson») gatnaşmagy muşdaklaryň aýratyn ünsüni çekdi, ol zalym jenap Sinisteri janlandyrar. Ozal aktýor Marvel kompaniýasynyň supergahrymançylyk taslamalarynda düşmek baradaky tekliplerini birnäçe gezek ret edipdi.
Ýatlap geçsek, köne tapgyryň iň soňky filmi 2019-njy ýylda çykan «X adamlar: Gara güýçli Feniks» bolup, onda esasy rollarda Jeýms Makewoý, Maýkl Fassbender, Jennifer Lourens we Sofi Törner çykyş edipdi. Indi bolsa tomaşaçylara doly täzelenen düzüm we kult bolan komiksiň täzeçe beýany garaşýar.
