Marvel Studios D23 tanyşdyrylyş dabarasynda «Ar alyjylar: Kyýamat güni» (Avengers: Doomsday) filminiň täze treýlerini görkezdi.
Wideo iki minut töweregi dowam edip, Robert Dauni-kiçiniň ýerine ýetirmeginde zalym Doktor Dum bilen ýüzbe-ýüz bolmaly gahrymanlary görkezýär.
Treýlere görä, filmde Marvel-iň birnäçe dünýäsi kesişer. Wakalarda esasy ar alyjylaryň älemi, «X adamlarynyň» (X-Men) dünýäsi we «Fantastik dörtlügiň» älemi görkeziler.
Filmiň režissýorlary hökmünde öňki «Ar alyjylar: Soňlama» filmini surata düşüren doganlar Entoni we Jo Russo çykyş etdi. Robert Dauni-kiçiden başga-da, filmde Kris Hemswort (Tor), Tom Hiddlston (Loki), Patrik Stýuart (Professor Eks), Ýen Makkelen (Magneto), Pedro Paskal (Mister Fantastik), Florens Pýu (Ýelena Below) we başgalar çykyş ederler.
Filmiň dünýä premýerasy 18-nji dekabra meýilleşdirildi.
