20-21-nji oktýabrda Özbegistanyň Prezidenti Şawkat Mirziýoýew Türkmenistana resmi saparyny amala aşyrar. Sapara görülýän taýýarlyk barada wise-premýer, daşary işler ministri Raşid Meredow Prezident Serdar Berdimuhamedowa hasabat berdi.
Saparyň maksatnamasy, şeýle hem Aşgabatda geçiriljek türkmen-özbek gepleşikleriniň netijeleri boýunça gol çekmek meýilleşdirilýän resminamalaryň toplumy özbek tarapy bilen bilelikde işlenip düzülýär.
