Samsung 10-unjy iýulda täze akylly sagadyny we gulaklyklaryny hödürlär. Tanyşdyrylyş dabarasynyň öňüsyrasynda internetde olaryň dizaýnyna baha bermäge mümkinçilik berýän resmi renderler peýda boldy.
Suratlara görä, Galaxy Watch 7 ozalkysyndan täze goýy zeýtun reňki bilen tapawutlanar.
Kompaniýanyň taryhynda iň ösen model boljakdygy aýdylýan Galaxy Watch Ultra aýratyn gyzyklanma döredýär. Ol Apple Watch Ultra-nyň dizaýnyny ýada saljak, ajaýyp dizaýny wada berýär.
Galaxy Buds 3 we Galaxy Buds 3 Pro düýbünden täzelenen dizaýny alarlar. Gulaklyklaryň aýaklary has uzyn bolar we gabynda biri-birinden daşrak ýerleşdiriler.
Enjamlaryň hemmesi Samsung Galaxy Unpacked tanyşdyrylyş dabarasynda görkeziler.
