Ýewro-2020-niň çäklerinde Ukraina Angliýa bilen duşuşdy. Ýewropa çempionatynyň 1/4 final tapgyrynyň çäklerinde Rimdäki «Olimpiko» stadionynda geçirilen duşuşykda Angliýa 4:0 hasap bilen Ukrainany ýeňdi.
Oýnuň 4-nji minudynda Rahim Sterlingiň pasy bilen Harri Keýn hasaby açdy.
Ikinji ýarym başlanan badyna iňlislerden Harri Maguaýer hasaby artdyrdy. 4 minut soňra Keýn dubl etdi. 63-nji minutda bolsa Jordan Henderson gol geçirdi.
Şeýlelikde, Ýewro-2020-niň ýarymfinalynda Angliýa Daniýa bilen duşuşar. Oýun Londondaky «Uembli» stadionynda geçiriler.
