Dünýä çempionatynyň 2026-njy ýyldaky 1/16 final tapgyry janköýerlere dürs usullara baý hüjümler, belent sesli beýanatlar we ýyldyzlaryň hantamaçylykly gaýdyp gelişlerinden doly gyzykly futbol duşuşyklaryny wada berýär.
Braziliýa – Ýaponiýa: Brazilleriň gysyşy ýa-da futbolda-da tertipli ýaponlar
Bu duşuşygy hüjümkär Braziliýanyň ýygyndysynyň we garşylykly hüjüm ussatlary bolan ýaponlaryň garşylaşmasy hökmünde häsiýetlendirmek bolar. Tertipli hem titi «Gök samuraýlar» bäsdeşlerini alaň-açyk oýun üçin «jezalandyrmagy» gowy görýärler.
Oýnuň daşynda eýýäm gyzgalaňly çekişmeler gidip başlady. Hususan-da, Germaniýanyň «Wolfsburg» toparynda çykyş edýän ýapon hüjümçisi Kento Siogaýyň Braziliýanyň häzir öňki ýaly güýçli däldigini ýaňzytmagy şolbada pikir çaknyşmalarynyň täze tolkunyny döretdi.
Tomaşaly futboluň muşdaklaryny gyzyklandyrýan esasy sowal – Neýmaryň meýdança çykyp-çykmajakdygydyr. Brazilleriň baş tälimçisi Karlo Ançelotti bu barada örän gümürtik gürledi:
– Bu gezek ol 15 minutdan-a uzak oýnasa gerek...
Ýatladyp geçsek, Gaitä garşy geçirilen geçen oýunda hüjümçi oýna 76-njy minutda, çalşyk esasynda giripdi.
Nesip bolsa, janköýerler ähli biynjalyk edýän sowallaryň jogabyny eýýäm şu gije bilerler. Braziliýa bilen Ýaponiýanyň duşuşygynyň başlandygyny yglan edýän jürlewügüň sesi 29-njy iýunda sagat 22:00-da ýaňlanar.
Germaniýa – Paragwaý: Nemes maşyny hyjuwly günorta amerikalylara garşy
Eger siz şu gün futbol muşdaklaryndan Ekwador bilen Kot-d’Iwuaryň arasyndaky esasy tapawudyň nämedigini sorasaňyz, onda bigüman degişme gatyşykly bir jogaby eşidersiňiz: «Olaryň biri Germaniýany 2:1 hasabynda utdy, ikinjisi bolsa ondan 1:2 hasabynda utuldy». Elbetde, janköýerler üçin bu ýagdaý degişmäge oňaýlyja bahanadyr, ýöne nemes ýygyndysynyň welin, gülki ýadyna düşenok. Bu wagt olaryň öňünde Türkiýäniň ýyldyzly ýygyndysynyň ýaryşdan çykmagyna gytaklaýyn sebäp bolan topar – Paragwaý bilen duşuşyk garaşýar.
Bu oýun ýaryşyň galan gatnaşyjylarynyň arasynda iň köp top geçiren (Germaniýada – 10 gol) we iň az top girizen (Paragwaýda – 2) toparlaryň garşylaşmasy bolar. Iki toparyň ikisi hem garşydaşa görä öz hüjüm usullaryny islegsiz üýtgedişleri bilen tanalýarlar.
Seljerijiler eýýämden bu oýnuň iň az top geçen oýun boljakdygyny çaklaýarlar.
Germaniýa – Paragwaý duşuşygy gije ýarymyndan soň – 30-njy iýunda sagat 01:30-da başlar.
Niderlandlar – Marokko: Tapgyryň iň özüne çekiji oýny
Eger FIFA-nyň ýygyndylaryň resmi reýtingine esaslansak, bu duşuşyk DÇ-2026-nyň 1/16 finalyndaky iň syrly we özüne çekiji oýun bolmalydyr. Bu toparlar biri-birine örän ýakyn ýerleşýärler: Niderlandlar 7-nji orny eýeleýär, Marokko bolsa 12-nji ýerde dur.
Duşuşygy gyzykdyrýan güýç bolsa, gollandlaryň owadan hüjümleriniň we geň-taň paslarynyň garşydaşynyň goragyny böwsüp biljegi ýa bilmejegidir.
Bellik edip geçmeli zat, toparçalardaky tapgyrda Niderlandlar 10 gol girizdi, bu bolsa marokkolylaryň görkezijisinden (5 gol) iki esse köpdür. Şonuň üçin hem synçylar ýewropaly ýygyndydan netijeli oýna umyt edýärler.
Oýun 30-njy iýunda sagat 06:00-da başlar.
