10-16-njy mart aralygynda Bişkekde (Gyrgyzystan) A toparyň üçünji diwizionynyň erkekler toparynyň arasynda şaýbaly hokkeý boýunça Dünýä çempionaty geçiriler.
24KG portalynyň habar bermegine görä, ýaryşa alty sany ýygyndy gatnaşar: Türkmenistan, Gyrgyzystan, Meksika, GAR, Lýuksemburg we Tailand.
Ýaryşyň ýeňijisi ikinji diwiziona çykmaga hukuk gazanar.
Mundan öň, Aşgabatda 15-20-nji aprel aralygynda hokkeý boýunça halkara ýaryşyň geçiriljekdigi barada habar beripdik. Ýaryş Gyşky oýunlar sport toplumynda geçiriler.
