Türkmenistanyň daşary işler ministri Raşid Meredowyň Türki Döwletleriň Guramasynyň Baş sekretary Bagdad Amreýew bilen onlaýn duşuşygy geçirildi. Onda Türkmenistanyň bu gurama bilen hyzmatdaşlygyny ösdürmegiň mümkinçilikleri ara alnyp maslahatlaşyldy.
Türkmenistanyň daşary işler ministri bu guramanyň ýurtlarynyň dürli ugurlar boýunça özara gatnaşyklarynyň mundan beýläk-de giňeldilmeginiň zerurdygyny nygtady. Taraplar şu ýylyň 12-nji martynda geçiriljek Türkmenistanyň Prezidentiniň saýlawlaryna taýýarlyk görülmegine we geçirilişine gözegçilik etmek boýunça Türki Döwletleriň Guramasynyň synçylarynyň toparyny ibermek bilen bagly meselelere aýratyn üns berdiler.
