Türki Döwletleriň Guramasynyň sammitiniň öňüsyrasynda Samarkantda Guramanyň Daşary işler ministrleriniň Geňeşiniň mejlisi geçirildi.
Mejlise Özbegistanyň, Gazagystanyň, Gyrgyzystanyň, Türkiýäniň, Wengriýanyň daşary syýasat edaralarynyň ýolbaşçylary, Azerbaýjanyň we Türkmenistanyň daşary işler ministrleriniň orunbasarlary, şeýle hem TDG-niň Baş sekretary, TURKSOY, TurkPA, Halkara türki akademiýanyň, Türki medeniýetiň we mirasyň Halkara gaznasynyň ýolbaşçylary gatnaşdylar.
Duşuşyga gatnaşyjylar sebit we halkara gün tertibiniň ileri tutulýan meseleleri hem-de Guramanyň çäklerinde özara gatnaşyklar babatda pikir alyşdylar, şeýle hem 11-nji noýabrda Samarkantda geçiriljek Türki Döwletleriň Guramasynyň sammitiniň barşynda gol çekmäge hödürlenjek resminamalaryň taslamalaryna garadylar.
