Futbol boýunça 2022-nji ýylyň dünýä çempionatynyň 1/8 tapgyrynda Braziliýa Günorta Koreýadan üstün çykdy.
Dohada geçirilen duşuşyk 4:1 hasabynda tamamlandy. Braziliýadan Winisius Junior (7-nji minut), Neýmar (12, pen.), Rişarlison (29) hem-de Lukas Paketa (36) gol geçirdi. Koreýlerden ýeke-täk goly Pek Syn Ho (76) geçirdi.
Neýmar üçünji dünýä çempionatynda gol geçirdi. Çärýek finalda Braziliýa Horwatiýa bilen duşuşar. Oýun 9-njy dekabrda geçiriler.
