Şu gün, 20-nji iýunda Ysraýyl tarapynyň başlangyjy boýunça Türkmenistanyň daşary işler ministri Raşid Meredow bilen Ysraýyl Döwletiniň daşary işler ministri Eli Koeniň arasynda telefon söhbetdeşligi geçirildi.
Türkmenistanyň daşary syýasat edarasynyň metbugat gullugynyň habar bermegine görä, söhbetdeşligiň dowamynda taraplar iki ýurduň işewürler birleşikleriniň arasynda göni gatnaşyklary ýola goýmak arkaly söwda-ykdysady hyzmatdaşlygy giňeltmek barada pikir alyşdylar.
