Aşgabatdaky Döwletliler köşgünde terbiýelenýän çagalara hem-de Arkadag şäheriniň Gurbanguly Berdimuhamedow adyndaky Çagalar sagaldyş-dikeldiş merkezinde bejergi alýan körpelere Türkmenistanyň Prezidentiniň hem-de türkmen halkynyň Milli Lideriniň adyndan süýjülikli sowgatlar gowşuryldy.
Bu sowgatlar Türkmenistanyň Garaşsyzlygynyň 35 ýyllyk baýramy mynasybetli guralýan dabaralaryň çäginde paýlanyldy. Dürli süýjüliklerden, Türkmenistanda ösdürilip ýetişdirilýän gök we bakja önümlerinden, ir-iýmişlerden hem-de çörek önümlerinden ybarat sowgatlary çagalar uly şatlyk bilen kabul etdiler.
Olar özleri hakda edilýän üns-alada üçin alkyş sözlerini aýtdylar.
Döwletliler köşgünde terbiýelenýän çagalar öz hoşallyklaryny aýdym-sazly çykyşlarynyň üsti bilen beýan etdiler.
