28-nji sentýabrda Türkmenistanyň Prezidenti Serdar Berdimuhamedow ýurdumyzyň Garaşsyzlygynyň 35 ýyllygyna bagyşlanyp, Aşgabat atçylyk sport toplumynda geçirilen baýramçylyk dabaralaryna gatnaşdy. Bu barada TDH habar berýär.
Dabara Mejlisiň Başlygy, Hökümet agzalary, ministrlikleriň we pudaklaýyn dolandyryş edaralarynyň, jemgyýetçilik guramalarynyň we köpçülikleýin habar beriş serişdeleriniň ýolbaşçylary, daşary ýurtlaryň Türkmenistandaky diplomatik wekilhanalarynyň wekilleri gatnaşdylar. Toplumyň çäginde ahalteke bedewleriniň gözelligini we milli medeniýeti beýan edýän sergi ýaýbaňlandyryldy.
Soňra bu ýerde ýedi baýramçylyk at çapyşygy geçirildi. Ýeňijiler:
- 1 600 metr, üçýaşar atlar: Aşgabat şäheriniň Berkararlyk etrap häkimligine degişli Näzli atly dor bedew — 1:51,8. Çapyksuwary P. Orazow, seýsi W. Gaýypow. Baýrak — 100 müň manat (Türkmenistanyň maliýe we ykdysadyýet toplumynyň baýragy).
- 1 600 metr, üçýaşar atlar: Aşgabat şäher häkimligine degişli Aýýyldyz atly akýal mele bedew — 1:51,4. Çapyksuwary Ş. Saryýew, seýsi H. Gubaýew. Baýrak — 100 müň manat (Türkmenistanyň nebitgaz toplumynyň baýragy).
- 1 800 metr, üçýaşar atlar: «Türkmengaz» döwlet konserniniň «Bäherden» atçylyk hojalygyna degişli Bendesen atly dor at — 2:05,2. Çapyksuwary Y. Allanazarow, seýsi D. Myratgulyýew. Baýrak — 100 müň manat (Türkmenistanyň söwda toplumynyň baýragy).
- 1 800 metr, dörtweuly ýaşaratlar: Prezidentiň Ahalteke atçylyk toplumyna degişli Gönibek atly dor at — 2:04,6. Çapyksuwary S. Çaryýew, seýsi O. Annalyýew. Baýrak — 100 müň manat (Türkmenistanyň ulag we aragatnaşyk toplumynyň baýragy).
- 1 800 metr, dört we uly ýaşar atlar: Aşgabat şäher häkimligine degişli Maksatly atly al at — 2:03,5. Çapyksuwary we seýsi R. Seýidow. Baýrak — 100 müň manat (Türkmenistanyň gurluşyk we senagat toplumynyň baýragy).
- 2 200 metr, dörtweuly ýaşaratlar: «Türkmennebit» döwlet konsernine degişli Gudratlydag atly mele at — 2:31,5. Çapyksuwary T. Babaýew, seýsi G. Agamyradow. Baýrak — 100 müň manat (oba hojalyk toplumynyň baýragy).
- 2 200 metr, dört we uly ýaşar atlar: Prezidentiň Ahalteke atçylyk toplumyna degişli Bezirgen atly akýal mele at — 2:33,8. Çapyksuwary B. Agamyradow, seýsi M. Agamyradow. Türkmenistanyň Prezidentiniň Baş baýragy — 300 müň manat we Türkmenistanyň Prezidentiniň göçme kubogy.
Ýeňiji çapyksuwarlar milli atçylyk däplerini ösdürmäge berilýän goldaw üçin hoşallyk bildirdiler. Dabaralar tamamlanandan soň Prezident Serdar Berdimuhamedow gatnaşyjylar bilen hoşlaşyp, Aşgabat atçylyk sport toplumyndan ugrady.
