Bu hepde Türkmenistanda ýagynsyz maýyl howa garaşylýar. Ýöne hepdäniň ahyryna golaý ýurduň ähli sebitlerinde gündizki we gijeki temperatura kem-kemden peseler.
Ahal welaýaty
Hepdäniň birinji ýarymynda güneşli howa dowam eder. Gündizlerine howanyň temperaturasy +24…+27°C, gijelerine bolsa +9…+13°C töweregi bolar. Dynç günlerine, ýagny 24–25-nji oktýabra çenli gündizki temperatura +21°C-a çenli peseler, gijelerine bolsa +7°C töweregi salkyn bolar. Ýagyş ýagmak ähtimallygy pes.
Balkan welaýaty
Kenarýaka sebitlerinde, şol sanda Türkmenbaşyda we «Awaza» milli syýahatçylyk zolagynda, hepdäniň başynda howa +20…+23°C bolar. Balkanabatda gündizlerine howa +23…+25°C-a çenli gyzar. Hepdäniň ahyrynda demirgazyk-günbatardan öwüsýän şemal güýçlenip, deňiz kenaryndaky sebitlerde gündizki temperatura +14…+17°C-a çenli peselip biler. Welaýatda az bulutly howa bolup, ygala garaşylmaýar.
Daşoguz welaýaty
Ýurdumyzda iň salkyn howa demirgazyk sebitde bolar. Daşoguzda hepdäniň başynda gündizki temperatura +21…+23°C, gijelerine bolsa +6…+8°C bolar. Penşenbe–anna günlerinden başlap, sowuk howa akymynyň aralaşmagyna garaşylýar. Gündizlerine temperatura +15…+17°C bolar, dynç günlerinde bolsa gijeki temperatura +1…+3°C-a çenli sowar. Demirgazykdan we demirgazyk-gündogardan sowuk şemalyň öwüsmegine garaşylýar.
Lebap welaýaty
Welaýatda hepde güneşli açyk howa bilen başlanar. Gündizlerine temperatura +24…+26°C, gijelerine bolsa +9…+11°C töwereginde bolar. Hepdäniň ikinji ýarymynda az-kem bulutly howa garaşylýar. Ýekşenbe güni gündizki temperatura +19…+21°C-a çenli peseler. Ýagyş ýagmak ähtimallygy pes.
Mary welaýaty
Ýurdumyzda günorta-gündogar sebitlerde güneşli howa dowam eder. Maryda we Baýramalyda hepdäniň birinji ýarymynda gündizlerine +25…+27°C, gijelerine bolsa +10…+12°C garaşylýar. Dynç günlerine çenli howa kem-kemden salkynlap, gündizki temperatura +20…+22°C-a çenli peseler. Gijelerine bolsa +6…+8°C bolar.
Aşgabat
Hepdäniň birinji ýarymynda paýtagtda maýyl we güneşli howa dowam eder. Gündizlerine temperatura +26…+27°C, gijelerine bolsa +11…+13°C bolar. 24–25-nji oktýabrda howa kem-kemden salkynlap, gündizki temperatura +21°C-a çenli peseler, gijelerine bolsa +7°C töwereginde salkyn bolar. Ýagyş ýagmak ähtimallygy pes.
