22-nji iýunda Aşgabatda Medeniýet hepdeliginiň çäklerinde «Türkmengaz» döwlet konserniniň medeni-işewürlik merkezinde Aşgabadyň we Ahal welaýatynyň sungat ussatlarynyň baýramçylyk konserti geçirildi.
Döredijilik toparlary halkymyzyň däp-dessurlaryna esaslanyp iň gowy çykyşlary ýerine ýetirdiler.
Konsertde bagşy sazandalar, tans toparlary, meşhur aýdymçylar we ýurdumyzyň sungat işgärleri öz ussatlyklaryny görkezdiler.
Şeýle-de Medeniýet hepdeliginiň çäklerinde baýramçylyk konsertleri ýurdumyzyň ähli welaýatlarynda geçirildi. Ahal, Balkan, Daşoguz, Lebap we Mary welaýatlaryndaky «Türkmeniň ak öýi» binalarynda ata Watanymyzy wasp edýän milli tanslar görkezilip, ajaýyp aýdymlar ýaňlandy.
