Glendeýlde (ABŞ, Arizona ştaty) «Hila Riwer-Arena» stadionynda boks agşamynyň esasy tutluşygynda ABŞ-dan 25 ýaşly meşhur bloger Jeýk Pol bilen UFC-niň orta agramda öňki çempiony braziliýaly Anderson Silwa duşuşdy.
Duşuşyk 8 raundlap dowam etdi we Jeýk Polyň ýeňşi bilen tamamlandy (77-74, 78-73, 78-73).
Bloger üçin bu eýýäm altynjy tutluşygy. Geçen bäş duşuşygyny Pol wagtyndan öň ýeňişler bilen tamamlady. Öň ol Bellatoryň öňki çempiony Ben Askren we UFC-niň öňki çempiony Taýron Wudli bilen duşuşdy.
