Býujet smartfony Samsung Galaxy A54 flagman Galaxy S23 modellerine meňzeş dizaýny alar. Bu barada Android Headlines portaly habar berdi diýip, Gazeta.ru ýazýar.
Şeýle hem, çeşme Galaxy A54-iň görkezijilerini hödürledi, şoňa laýyklykda smartfon dört reňkde görkeziler. Yzky paneli gara, benewşe, ak we ýaşyl-sary reňklileriniň bardygy belli boldy.
Galaxy A54-iň 120 Gs täzeleniş tizligi bilen 6,4 dýuýmlyk Full HD + AMOLED ekranly görkezilmegine garaşylýar. Smartfon iň az komplektasiýada 5000 mAç-lyk akkumulýator, 6 GB RAM we 128 GB içerki ýat bilen üpjün edilýär. Mundan başga-da, myş-myşlara görä, smartfon üç kamera ulgamyny alar, esasy ulgamda 50 megapiksellik sensor bolar.
Samsung Galaxy A54-iň tanyşdyrylyşy 2023-nji ýylyň mart aýynda bolar diýlip çaklanylýar.
