Saud Arabystany ilkinji zenan astronawty kosmosa iberdi.
Süýt mäzleriniň rak keselini öwreniji Raýana Barnawi ilkinji gezek birnäçe synag geçirmek üçin Halkara kosmos stansiýasyna (HKS) gidýän iki sany saud arabystanlynyň biridir. Ikinjisi - harby uçarman Ali al-Karni.
Axiom Space hususy kosmos kompaniýasy tarapyndan gurnalan täjirçilik missiýasynda olara NASA-nyň öňki astronawty Peggy Uitson bilen amerikaly ýaryş ulagynyň sürüjisi we telekeçi Jon Şoffner goşuldy.
SpaceX Falcon 9 kysymly raketa-göteriji ýekşenbe güni agşam Florida ştatynyň Kanaweral burnundan Crew Dragon kosmos gämisini üstünlikli goýberdi.
