Prezident Serdar Berdimuhamedow wezipe borçlaryny talabalaýyk ýerine ýetirmän, işde goýberen kemçilikleri üçin Döwlet gümrük gullugynyň başlygy Maksat Hudaýkulyýewe berk käýinç yglan etdi.
Döwlet Baştutany degişli resminama çarşenbe güni, 7-nji iýunda harby we hukuk goraýjy edaralarda şu ýylyň bäş aýynda ýerine ýetirilen işleriň netijeleri boýunça geçiren Döwlet howpsuzlyk geňeşiniň nobatdaky mejlisinde gol çekdi.
