Şu gün, 9-njy noýabrda Daşkentde Ykdysady Hyzmatdaşlyk Guramasynyň Sammiti öz işini tamamlady. Sammite gatnaşyjylaryň hormatyna Özbegistanyň Prezidentiniň adyndan resmi günortanlyk nahary berildi.
Özbegistan Respublikasyna iş saparynyň maksatnamasy tamamlanandan soň, Prezident Serdar Berdimuhamedow Daşkendiň Islam Karimow adyndaky Halkara howa menziline bardy.
Bu ýerde döwlet Baştutanyny Özbegistanyň Premýer-ministri Abdulla Aripow we doganlyk ýurduň beýleki resmi adamlary ugratdylar.
Aşgabadyň Halkara howa menziline gelende, Serdar Berdimuhamedowy resmi adamlar, Özbegistan Respublikasynyň ýurdumyzdaky Ilçihanasynyň wekili garşyladylar.
