Neşwillde geçirilen UFC on ESPN 70 ýaryşynda UFC promouşeni “UFC-de ýylyň söweşijisi” nominasiýasynda ESPY 2025 baýragynyň ýeňijisini yglan etdi. Ol iň ýeňil agramda çempion Merab Dwalişwili boldy.
Gruzin-ispan söweşijisi bu nominasiýada ýeňil agramda öňki çempion, russiýaly Islam Mahaçewden, Günorta Afrikadan orta agramda çempion Drikus dýu Plessiden we ABŞ-dan zenanlaryň arasynda iň ýeňil agramda çempion Kaýla Harrisondan öňe geçdi.
ABC we ESPN teleýaýlymlary tarapyndan her ýyl berilýän ESPY baýragy geçen senenama ýylynda gazanylan ajaýyp sport üstünliklerini ykrar edýär.
