Google kompaniýasy YouTube Premium abunasynyň bahasynyň nobatdaky gezek gymmatladylýandygyny yglan etdi. Bu üýtgeşmeler täze ulanyjylar üçin eýýäm güýje girdi. Aýlyk tölegler 2 dollar möçberinde ýokarlandy. Bu barada The Verge neşiri habar berýär.
Täze nyrhlara görä:
- Indiwidual (şahsy) Premium meýilnamasy: aýda $15,99.
- Maşgala paketi (birnäçe ulanyjy üçin): aýda $26,99.
- Premium Lite (mahabaty bölekleýin aýyrýan tarif): bahasy $8,99 çenli ýokarlandy.
YouTube Premium ulanyjylara wideolary mahabatsyz görmäge, mobil enjamlarda wideony fon tertibinde (arka planda) diňlemäge we wideolary internetsiz görmek üçin ýükläp almaga mümkinçilik berýär. Google-yň işläp düzüjileri tölegli abunaçylar üçin yzygiderli täze funksiýalary synagdan geçirip, ulanyşa girizýärler.
