Tailandyň paýtagty Bangkok şäherinde 8 — 15-nji mart aralygynda geçirilen World Boxing Futures Cup 2026 halkara ýaryşynda türkmen boksçylary iki sany bürünç medal gazandy. Bu barada THP habar berýär.
75 kg çenli agram derejesinde Ysmaýyl Orazmyradow bürünç medalyň eýesi boldy.
90 kg çenli agramda bolsa şeýle derejeli ýene bir baýragy Söýünaly Öwezgeldiýew gazanmagy başardy.
Bu ýaryş dünýäniň dürli ýurtlaryndan gelen ýaş we geljegi uly boksçylary bir ýere jemledi.
