Çempionlar ligasynda geçen oýun gününiň esasy wakalary «Liwerpulyň» ýaryşdaky ilkinji ýeňlişi hem-de «Komonyň» garşydaşa ýagdyran gollary boldy.
Stambulda «Fenerbahçe» «Liwerpuly» utdy. Iňlisler iki gezek öňe saýlandy — ilki Treýmoris Nýoni, soňra bolsa Aleksandr Isak tapawutlandy, ýöne «Fenerbahçe» iki gezek hem hasaby deňlemegi başardy. 79-njy minutda Wedat Muriki ýeňiş goluny geçirip, türk klubuna 3:2 hasabynda üstünlik getirdi. Mersisaýdlylar Çempionlar ligasynyň häzirki möwsüminde birinji gezek utuk ýitirdi.
Fransiýanyň Lans şäherindäki gazanan netijesi has-da haýran galdyryjy boldy. «Komo» ikinji ýarymda alty gol geçirip, ýer eýelerini 9:1 hasabynda derbi-dagyn etdi. Antonios Duwikas het-trik etdi. Sesk Fabregasyň şägirtleri bir oýundaky gollaryň tapawudy boýunça Çempionlar ligasynyň rekordyny gaýtalady.
«Komonyň» hüjümçisi Niko Pas salan goluny aradan çykan ispan futbolçysy Hesus de Migele bagyşlady.
Afina bolan myhmançylyk sapary Madriddäki «Real» üçin garaşylmadyk derejede dartgynly geçdi. Topar ýene-de kyn ýagdaýdan çykmaly boldy: ýerli «AEK» topary iki gezek öňe saýlandy, iki gezegem madridliler hasaby deňledi. Goşmaça wagtda Federiko Walwerdeniň 30 metr aralykdan uran ajaýyp goly «Reala» 3:2 hasabynda ýeňiş getirdi.
«Mançester Siti» hem edil şolar ýaly hasap bilen «Leýpsigden» üstün çykdy — 78-nji minutda ýeňiş goluny Erling Holand geçirdi.
«Arsenal» «Slawiýany» 2:1 hasabynda utdy. Noni Madueke we Wiktor Dýokereş birinji ýarymda londonlylara ynamly artykmaçlyk getirdi, ýöne ýer eýeleri oýnuň ahyrynda aratapawudy azaltdy we «kanonirleri» birneme howsala düşmäge mejbur etdi.
Ikinji oýun gününiň netijeleri:
«AEK» — «Real Madrid» — 2:3
«Fenerbahçe» — «Liwerpul» — 3:2
«Borussiýa» (Dortmund) — «Betis» — 2:1
«Portu» — «Napoli» — 4:1
«PSW» — «Brýugge» — 1:2
«Leýpsig» — «Mançester Siti» — 2:3
«Lans» — «Komo» — 1:9
«Slawiýa» — «Arsenal» — 1:2
«Wiking» — «Sabah» — 4:1
Umumy tapgyryň dördünji aýlawyndan soň ýaryş jedwelinde «PSŽ» 12 utuk we +15 gol tapawudy bilen öňdeligi saklaýar. Žoze Mourinýunyň tälimçiligindäki «Real» hem şonça utuk toplady, ýöne olaryň gollarynyň tapawudy +6. Üçünji ýerde 10 utuk bilen «Arsenal» barýar. Şondan soň «Komo», «Barselona», «Aston Willa», «Mançester Siti» we «Liwerpul» ýerleşdi — olaryň ählisinde 9 utuk bar.
