Ispaniýanyň «Willarealy» Çempionlar ligasynyň 1/4 final tapgyrynyň jogap duşuşygynda Mýunheniň «Bawariýasy» bilen deňme-deň oýnap, ýaryşyň ýarym finalyna çykmaga hukuk gazandy.
Mýunhende geçirilen duşuşyk 1:1 hasabynda tamamlandy. Ýer eýelerinden Robert Lewandowski (52-nji minut), myhmanlardan Samu Çukwueze (88) tapawutlandy. Ispaniýada geçirilen birinji duşuşyk «Willarealyň» peýdasyna 1:0 tamamlanypdy.
Ýarym finalda «Willareal» «Benfika» — «Liwerpul» jübütiniň ýeňijisi bilen duşuşar.
