Russiýanyň Prezidenti Wladimir Putin Hazarýaka döwletleriniň Baştutanlarynyň VI sammitine gatnaşmak üçin Aşgabada geldi. Aşgabadyň Halkara howa menzilinde ýokary derejeli myhmany resmi adamlar garşy aldylar.
W.Putiniň Aşgabada gelen wekiliýetiniň düzümine Prezidentiň kömekçisi Ýuriý Uşakow, wise-premýer Alekseý Owerçuk, RF-niň Prezidentiniň metbugat sekretary Dmitriý Peskow, Astrahan welaýatynyň gubernatory Igor Babuşkin, DIM-niň ýolbaşçysynyň orunbasary Andreý Rudenko we beýlekiler girdi.
