Angliýanyň “Mançester Ýunaýted” kluby özüniň resmi saýtynda portugaliýaly oýunçy Kriştianu Ronaldu bilen şertnamany ýatyrýandygyny habar berdi. Bellenilişi ýaly, şertnamany ýatyrmak baradaky karar haýal etmän güýje girýär. Muny rsport.ria.ru ýetirýär.
Öň, Ronaldu britaniýaly žurnalist Pirs Morgana beren interwýusynda “Mançester Ýunaýtediň” özüne dönüklik edendigini aýtdy. Ol klubuň ýolbaşçylygyny we tälimçiler ştabyny tankytlap, toparyň baş tälimçisi Erik ten Haga hormatynyň ýokdugyny belledi.
