UEFA-nyň Ispaniýanyň “Kamp Nou” stadionynda geçirilen Ýewropa ligasynyň “Barselona” bilen “Mançester Ýunaýtediň” arasyndaky oýny ýaryşyň taryhynda iň köp tomaşaçy ýygnan oýun boldy diýlip, Ýewropanyň Futbol Assosiasiýalarynyň Birleşiginiň saýtynda habar berilýär. Muny sport-interfax.ru ýetirýär.
Oýna gelen tomaşaçylaryň umumy sany 90255 boldy. Bu geçenki rekord bilen deňeşdirilende tas 10 müň adam köpdür. Ol 2017-nji ýylda “Uembli” stadionynda geçirilen Ýewropa ligasynyň “Tottenhem” – “Gent” oýnunda goýlupdy. Bu oýna 80465 tomaşaçy geldi.
“Barselona” – “MÝ” oýny 2:2 hasabynda tamamlandy.
