Şwesiýaly ýeňil atletikaçy türgen Arman Dýuplantis Fransiýada geçirilen ýaryşda şestli bökmekde täze dünýä rekordyny goýdy diýip, TASS habar berýär.
Türgen geçen tomus ABŞ-da geçirilen dünýä çempionatynda gazanan üstünliginden 1 santimetr geçirip, 6,22 metrlik netijäni görkezdi.
Dýuplantis 23 ýaşynda, ol Tokioda geçen Olimpiýa oýunlarynyň ýeňijisi, şeýle hem onuň hasabynda 2022-nji ýylyň dünýä çempionatynyň altyn medaly, 2019-njy ýylyň dünýä çempionatynyň kümüş medaly, 2022-nji ýylda ýapyk binalarda geçen dünýä çempionatynyň altyn medaly, 2018-nji ýylda Ýewropa çempionatynda gazanylan ýeňiş we 2021-nji ýylda ýapyk binalarda Ýewropanyň birinjiliginde gazanylan ýeňiş bar.
