«Tottenhemiň» kluby täze baş tälimçisiniň adyny mälim etdi. Bu wezipä awstraliýaly Enjelos Postekoglu bellenildi.
57 ýaşly Enjelos Postekoglu bilen şertnama dört ýyl möhlet üçin baglaşyldy.
Grek gelip çykyşly awstraliýaly hünärmen 2021-nji ýyldan bäri «Seltige» tälimçilik edýärdi. Bu döwürde ol glazgoly klub bilen 5 baýrak gazandy — iki gezek çempion, Şotlandiýanyň Kubogy we iki sany Liga kubogyny aldy. 2013-2017-nji ýyllar aralygynda Postekoglu Awstraliýanyň milli ýygyndysy bilen işledi.
