27-nji ýanwarda Sankt-Peterburgda Leningradyň faşistik basybalyjylardan doly boşadylmagynyň 80 ýyllygyna bagyşlanan çäreler guraldy. Bu çärelere Türkmenistanyň Russiýadaky ilçisi Esen Aýdogdyýew gatnaşdy diýip, ýurdumyzyň Russiýadaky diplomatik wekilhanasynyň Metbugat gullugy habar berýär.
Sankt-Peterburgdaky Piskarewsk ýadygärlik toplumynda diplomat Leningrad üçin söweşlerde pida bolan Gahryman türkmenistanlylaryň ýadygärligine gül goýdy.
Şol gün "Gazprom Arena" stadionynda RF-niň medeniýet we sungat işgärleriniň gatnaşmagynda şanly senä bagyşlanan baýramçylyk konserti geçirildi.
