Audi kompaniýasy Italiýanyň Fantic kompaniýasy bilen hyzmatdaşlykda işlenip düzülen ikinji nesli eMTB elektrik dag welosipedini görkezdi. Täze modeliň bahasy 5 850 dollardan başlaýar.
Audi eMTB 2.0-niň tizligi sagatda 32 km-e ýetýär we bir zarýadda 140 km aralygy geçýär. Onuň 90 wm torkly 250 wattlyk Brose S-MAG hereketlendirijisi we alýumin çarçuwasyna birleşdirilen 720 Wt·s batareýasy bar. Welosiped dört sürüş tertibini hödürleýär.
Welosipedde päsgelçiliklerden ýeňil geçmäge we durnuklylygy saklamaga kömek edýän garyşyk ululykdaky – öňünde 29 dýuýmlyk, yzynda 27,5 dýuýmlyk tekerler bar. Ohlins RXF38 m.2 wilkaly we TTX22m.2 amortizatorly podweska 180 mm ýöreýişi üpjün edýär. Rulda ýerleşen ykjam displeý tizligi we batareýanyň derejesini görkezýär.
12 tizlikli Sram XX SL Eagle 10-52T kasetaly täze Sram GX Eagle Transmissiýa AXS transmissiýasy tizligi geçirişiň takyklygyny gowulandyrýar. 220mm-lik öň we 203mm-lik yzky rotorly tormozlar we Sunstar First supportalary has ygtybarly tormoz tutuşy üpjün edýär.
