Germaniýaly hünärmen Tomas Tuhel Angliýanyň milli ýygyndysy bilen şertnamasyny uzaltdy. Ol 2028-nji ýyla çenli toparyň baş tälimçisi wezipesinde galar.
«Biz saýlap alan ýolumyza wepaly. Täze şertnama gol çekilenden soň, Tomas Tuhel 2028-nji ýyla çenli biziň “üç ýolbars” toparymyza ýolbaşçylyk eder» – diýip, Angliýanyň milli ýygyndysynyň metbugat gullugy X sosial ulgamynda habar berdi.
52 ýaşly Tuhel 2025-nji ýylyň 1-nji ýanwarynda Angliýanyň ýygyndysyna tälim berip başlady. Onuň ýolbaşçylygynda topar 2026-njy ýylyň dünýä çempionatynyň saýlama tapgyrynda öz toparçasynda ýekeje goly hem sypdyrmazdan birinji orny eýeledi.
Mundan ozal germaniýaly hünärmen Ýewropanyň «Çelsi», Dortmundyň «Borussiýasy» we Parižiň «PSŽ» ýaly öňdebaryjy klublarynda işläpdi.
Tomas Tuhel 2028-nji ýyla çenli Angliýanyň milli ýygyndysynyň baş tälimçisi bolup galar
12.02.2026, 20:442,429
