Päkistanly söweş sungatynyň ussady Muhammet Raşid Nasim Ginnesiň rekordlar kitabyna girdi. Türgen özüniň adaty bolmadyk çaltlygyny görkezip, 50 sany ýapyk alýumin bankany bary-ýogy 22,32 sekundyň içinde tirsegi bilen döwmegi başardy.
2001-nji ýyldan bäri Päkistanyň söweş sungaty akademiýasynyň esaslandyryjysy we ýolbaşçysy bolup işleýän Nasim yzygiderli täze rekordlary goýmak bilen tanalýar.
Bu-da ussadyň gazanan ilkinji üstünligi däl. Ol 2025-nji ýylda boks ellikleri bilen bir minutda 386 gezek urgy arkaly rekord goýupdy. Şeýle-de, 2024-nji ýylda 30 sekundyň içinde kellesi bilen 39 bankany döwüp, adyny Ginnesiň rekordlar kitabyna ýazdyrmagy başardy. Mundan başga-da, oňa 30 sekundyň içinde tirsegi bilen 39 sany hozy döwmek boýunça rekord hem degişlidir.
Muhammet Raşid Nasimiň ýolbaşçylygyndaky akademiýa hakyky rekordçylary ýetişdirýän merkez hökmünde tanalýar. Onuň şägirtleriniň we guramanyň öz hasabynda 150-den gowrak toparlaýyn rekord bar. Onuň 10 sany şägirdi hem şahsy rekordlaryň eýesi boldy. Bu bolsa sebitde söweş sungatyny ösdürmekde ulanylýan okuw ulgamynyň ýokary derejededigini görkezýär.
