«Portu» futbol topary Portugaliýanyň çempionatynda ýeňiş gazanmagyny möhletinden ir üpjün etdi.
Şenbe güni «Portu» öz meýdançasynda Portugaliýanyň çempionatynyň 32-nji tapgyrynyň duşuşygynda «Alwerka» toparyny utdy. Oýnuň 40-njy minutynda ýeke-täk goly Ýan Bednarek girizdi (1:0).
«Portu» çempionatda yzygider dördünji ýeňşini gazanyp, 85 utuk toplady we ýaryşyň tamamlanmagyna iki tapgyr galanda Portugaliýanyň çempiony diýen ady üpjün etdi. Topar 2021/22 möwsüminden bäri ilkinji gezek ýurduň birinjiliginde ýeňiji boldy. Indi «Portu» toparynyň hasabynda jemi 31 çempion tituly bar. Bu görkeziji boýunça klub diňe «Benfikadan» (38 ýeňiş) yza galyp, ikinji orny eýeleýär.
