Türkmenistanyň kiokuşinkaý karate boýunça milli ýygyndy topary Germaniýanyň Bad-Nauhaým şäherinde geçiriljek International Championship halkara ýaryşyna gatnaşmak üçin ugradylar.
Bu bäsleşik 22–23-nji maý aralygynda geçiriler. Onda Ýewropanyň, Aziýanyň, Demirgazyk Amerikanyň we Afrikanyň iň güýçli türgenleri çykyş eder.
Türkmen wekiliýetine Begmyrat Baýramow ýolbaşçylyk edýär. Ýygyndy toparyň düzümine sekiz sany türgen girdi: toparyň kapitany Meýlis Paşagulyýew, Annadurdy Gurbangylyjow, Aýmyrat Ýediýew, Şyhnazar Şirzadow, Myrat Ekäýew, Ali Begmyradow, Jeýhun Baýrammämmedow we Aýnur Nurjanowa.
Çempionatda Türkmenistanyň eminler geňeşine Myradaly Amanow wekilçilik eder.
