Awstriýada meteorologiýa gözegçiliginiň tutuş taryhynda iň ýokary howa temperaturasy hasaba alyndy. GeoSphere Austria meteorologiýa gullugynyň berýän maglumatyna görä, 4-nji awgustda Wenada termometrleriň sütüni 40,8 °C çenli ýokary galdy.
Täze rekord Ştammersdorf etrabynda bellenildi. Bu görkeziji 13 ýyl mundan ozal Bad-Doýç-Altenburg şäherinde hasaba alnan öňki rekorddan 0,3 gradus ýokary boldy.
Sinoptikler adatdan daşary yssynyň entek saklanyp galjakdygyny çaklaýarlar. Olaryň pikiriçe, iň ýokary temperatura sişenbeden çarşenbe aralygyndaky döwre düşer.
Beýle jokrama yssa sebitiň üstünde emele gelen ýokary basyş zolagy we tropiklerden gelýän gyzgyn howa akymy sebäp boldy. Awstriýanyň gündogar böleginde howa howpunyň iň ýokary derejesi yglan edildi.
