Aşgabadyň Halkara howa menzili 2026-njy ýylyň 25-nji oktýabryndan başlap, Seula, Milana, Kazana we Stambula yzygiderli gatnawlaryň ýygylygyny artdyrar. Täzelenen tertipnama dört halkara ugur boýunça uçuşlaryň köpeldilmegini göz öňünde tutýar.
Üýtgeşmeler aşakdaky ugurlara degişli bolar:
Aşgabat — Seul: hepdede bir gatnawyň deregine iki gatnaw.
Aşgabat — Milan: hepdede iki gatnawyň deregine üç gatnaw.
Aşgabat — Kazan: hepdede dört gatnawyň deregine alty gatnaw.
Aşgabat — Stambul: hepdede 12 gatnawyň deregine 13 gatnaw.
Bu şäherlerden Aşgabada gaýdýan gatnawlar üçin hem şeýle üýtgeşmeler bellenildi.
Tertipnamanyň täzelenmegi halkara ýolagçy gatnawlaryna bolan islegi kanagatlandyrmaga hem-de Türkmenistanyň beýleki ýurtlar bilen ulag arabaglanyşyklaryny ösdürmäge gönükdirilendir. Uçar gatnawlarynyň sanynyň artdyrylmagy üstaşyr ýolagçylar üçin hem goşmaça mümkinçilikleri döreder.
