Ýamalyň 4 ýaşly jigisi BOSS-uň mahabatynda düşüp, ilkinji girdejisini gazandy

Düýn, 21:003,312
1 / 3

Lamin Ýamalyň bary-ýogy 4 ýaşly jigisi Keýn meşhur BOSS egin-eşik brendiniň täze ýüzüne öwrüldi. Ýaşajyk Keýn kompaniýanyň mahabat kampaniýasyna gatnaşdy we eýýäm ilkinji girdejisini gazandy.

Mahabat wideoşekilinde Keýn açyk çal kostýumda we ak krossowkada peýda boldy. Surata düşürilişden pursatlary onuň ejesi Şeýla Ebana sosial torlarda paýlaşdy.

Keýniň gatnaşmagyndaky fotosessiýa, Lamin Ýamal bilen garyndaşlygy sebäpli, futbol janköýerleriniň ünsüni derrew özüne çekdi. Ol oýunlarda we gazanylan üstünlikleriň baýramçylyk çärelerinde mydama doganynyň ýanyndalygy bilen futbol jemgyýetine tanalypdy. BOSS bilen işleşmek Keýniň mahabat ulgamynda ilkinji tejribesi boldy.