23-nji martda Türkmenistanyň daşary işler ministri Raşid Meredowyň Eýran Yslam Respublikasynyň daşary işler ministri Abbas Arakçi bilen telefon arkaly söhbetdeşligi boldy.
Söhbetdeşligiň başynda taraplar Nowruz baýramy mynasybetli birek-biregi gutlap, iki ýurduň halklaryna rowaçlyk we abadançylyk arzuwlaryny beýan etdi.
Abbas Arakçi Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan Eýranyň çagalary üçin iberilen ynsanperwer kömegi üçin türkmen tarapyna minnetdarlyk bildirdi. Eýranly diplomat bu hoşniýetli we ynsanperwer goldawyň ähmiýetini aýratyn belledi.
