Režissýor Jeýms Kemeronyň 16-njy dekabrda çykan "Awatar: Suwuň ýoly" atly täze filmi tutuş dünýä boýunça kinoteatrlarda 855 mln dollar gazandy. Bu barada NBC News ýazýar.
Şol mukdaryň 254 mln dollary ABŞ-da gazanyldy. Howanyň sowamagy we gyşyň gaý-tupany amerikan kinoteatrlarynda petekleriň satylyşynyň kemelmegine getirdi. Owal Disney-iň dünýä kinoprokaty bölüminiň ýolbaşçysy Toni Çembers tomaşaçylar koronawirus pandemiýasy sebäpli kinoteatrlara barmakdan howatyrlanýarlar diýip belläpdi.
Kemeronyň sözlerine görä, häzirki wagtda düşewünt - filmi girdejili hasaplamaga zerur puluň ýaryndanam az.
2009-njy ýylda çykan birinji "Awatar" taryhda iň şowly film titulyny saklaýar: onuň dünýä ýygymy 2,9 mlrd dollardan geçýär.
