The Ring amerikan žurnalynyň wersiýasy boýunça rus pälwany Dmitriý Biwol 2022-nji ýylyň boksçusy diýlip ykrar edildi. Bu baýrak ugrundaky göreşde Biwol WBC-niň we WBA-nyň wersiýalary boýunça birinji iň has ýeňil agramda dünýä çempiony Kensiro Teradziden, iň ýeňil agramda dünýäniň absolýut çempiony Naoýa Inoueden we super iň ýeňil agramda WBC-niň titulynyň öňki eýesi Jessi Rodrigesden öňe geçdi.
2022-nji ýylda Biwol tutluşyklarda meksikaly türgenler Saul Alwaresi we Hilberto Ramiresi ýeňip, WBA-nyň wersiýasy boýunça dünýäniň super çempiony adyny iki gezek gorady.
Biwol - taryhda bu baýragy alan ikinji rus türgenidir. 2014-nji ýylda Sergeý Kowalýow The Ring -iň wersiýasy boýunça ýylyň boksçusy diýlip ykrar edilipdi.
