Google kompaniýasy şekilleri döretmek üçin täze «Nano Banana 2 Lite» modelini hödürledi. Ol hatardaky iň çalt we bahasy babatda iň elýeterli model boldy. 1K durulykdaky şekili döretmek üçin oňa takmynan 4 sekunt wagt gidýär, bir gezeklik surat ýasamagyň bahasy bolsa 0,034 dollara deňdir.
Model eýýäm Google AI Studio, Gemini API we Gemini Enterprise Agent Platform arkaly öndürijiler üçin elýeterlidir. Ol kem-kemden Google gözleg ulgamynyň AI Mode-ynda, Gemini goşundysynda, NotebookLM-de, Google Photos, Stitch, Flow we Google Ads-de peýda bolýar.
Google-yň maglumatlaryna görä, «Nano Banana 2 Lite» iş tizligine we bahasyna ähmiýet berýän ulanyjylar üçin «Nano Banana-nyň» birinji wersiýasynyň ornuna maslahat berilýär. Şol bir wagtyň özünde, kompaniýa modeliň tekstli soraglara takyk eýerýändigini, gahrymanlaryň şekilleriniň yzygiderliligini saklaýandygyny we şekilleriň üstünde okalyp biljek teksti dogry generirlemäge ukyplydygyny belleýär.
«lmarena.ai» reýtingine görä, täze model 1251 bal aldy, doly göwrümli «Nano Banana 2-de» bolsa bu görkeziji 1270-e deňdir. Şol bir wagtyň özünde, hatda gysgaldylan wersiýa hem şol sanawdaky Grok Imagine Image (1174), Seedream v5 Lite (1132) we Flux 2 Klein 9B (1069) ýaly köp bäsdeşlerini ynamly yzda galdyrýar.
Google «Nano Banana 2 Lite-i» modeliň has güýçli wersiýasy bilen ahyrky şekilleri döretmezden ozal, dürli soraglary çalt barlap görmek üçin niýetlenen çözgüt hökmünde hödürleýär.
