Kanada ilkinji gezek «Ýewrowideniýe» halkara aýdym-saz bäsleşigine gatnaşar. Ýewropa ýaýlym birleşiginiň we Kanadanyň teleradioýaýlym korporasiýasynyň bilelikdäki beýanatynda aýdylyşyna görä, bu ýurt Bolgariýada geçiriljek «Ýewrowideniýe-2027» bäsleşiginde ilkinji gezek çykyş eder.
Resminamada kanadaly diňleýjileriň bu bäsleşige bolan gyzyklanmasynyň örän ýokarydygy bellenilýär. 2026-njy ýylda bu ýurt «Dünýäniň galan bölegi» kategoriýasynda berlen sesleriň sany boýunça ilkinji üçlüge girdi. Mundan başga-da, 1988-nji ýylda şol wagt Şweýsariýa wekilçilik eden kanadaly aýdymçy Selin Dion «Ýewrowideniýe» bäsleşiginde ýeňiş gazanypdy.
Kanadanyň ilkinji wekili bäsleşigiň ýarym finallarynyň birinde çykyş eder. Şeýlelikde, Kanada 2015-nji ýylda bäsleşige goşulan Awstraliýadan soň «Ýewrowideniýe» bäsleşiginiň birinji täze gatnaşyjysy bolar.
«Ýewrowideniýe» bäsleşigi 1956-njy ýyldan bäri Ýewropa ýaýlym birleşigine agza ýurtlaryň arasynda geçirilýär. 2026-njy ýylda geçirilen bäsleşikde ilkinji gezek Darina Ýotowanyň (Dara) wekilçilik etmeginde Bolgariýa ýeňiji boldy.
