Ýaponiýanyň premýer-ministri Sanae Takaiti X sosial ulgamyndaky ýazgysynda işiniň örän köpdügi sebäpli gijesine bary-ýogy üç sagat uklaýandygyny boýun aldy.
Takaitiniň sözlerine görä, uky ýetmezçiligi onuň hökümete ýolbaşçylyk edip başlan gününden bäri hemişelik ýagdaýa öwrülipdir. Hatda dynç almak üçin üç sagat tapmak hem elmydama başardyp duranok. Ortaça alanyňda onuň gijeki ukusy noldan aňry gitse, üç sagada çenli aralykda bolýar.
Şeýlelikde, iýul aýynyň dynç günlerinde ministrler kabinetiniň başlygy dynuwsyz resminamalary seljerdi we diňe 20-nji iýulda, Ýaponiýada Deňiz gününiň baýramynda, uzak wagtdan bäri ilkinji gezek bäş sagat uklap bildi.
Premýer-ministriň bu beýanaty ýurtda örän uly alada döretdi. The New York Times neşiri bu zerarly Ýaponiýanyň ýaşaýjylarynyň we syýasy adamlaryň aladalanýandygyny habar berýär. Olar hemişelik uky ýetmezçiliginiň döwleti dolandyrmagyň hiline ýaramaz täsir edip biljekdiginden howatyr edýärler.
Aýratyn hem, parlamentariý Toru Kunisige Takaitiniň beýle az dynç almagynyň çökgünlige garşy milli dolandyryş ulgamynyň işine howp salyp biljekdigi baradaky pikirini bildirdi.
Şol bir wagtyň özünde, Ýaponiýanyň zähmet medeniýetinde «inemuri» diýilýän düzgün bar. Oňa laýyklykda, işgär gündizine iş ýerinde ýa-da ýygnagyň dowamynda uklap bilýär. Iş wagtynda uka gitmek äsgermezçilik däl-de, eýsem adamyň ýokary zähmetsöýerliginiň we çekýän zähmetiniň subutnamasy hasaplanylýar. Uklan işgäri ýa-da syýasatçyny hatda wajyp çäreleriň dowamynda hem turuzmak edepsizlik saýylýar.
